ye kaho ye na kaho aise kaho aise nahin

ye kaho ye na kaho aise kaho aise nahīñ

sun ai naqqād tirī god ke ham paale nahīñ

ham chhiḌe-chhāñT yak-o-tanhā adab kā maidāñ

koī ham-zulf nahīñ aur sasur saale nahīñ

momin o kāfir o mushrik na to murtad mulhid

apne DāñDe to kisī se bhī kahīñ milte nahīñ

rūkhī-phīkī sī kabhī chaTnī kahīñ saadī sī daal

apnī ġhazloñ ke muqaddar meñ sirī-pā.e nahīñ

baḌī nā-samjhī hai har shai kā samajh lenā bhī

zehn afkār se aarī hai agar jaale nahīñ

tuf hai un āñkhoñ pe jo ḳhud meñ ulajh kar rah jaa.eñ

vo nigah kyā jo yahāñ taake vahāñ jhāñke nahīñ

be-niyāzāna jiye jaate haiñ apnī dhun meñ

bāñkpan kho na kahīñ jaa.e nahīñ haa.e nahīñ

ye kaho ye na kaho aise kaho aise nahin

sun ai naqqad teri god ke hum pale nahin

hum chhiDe-chhanT yak-o-tanha adab ka maidan

koi ham-zulf nahin aur sasur sale nahin

momin o kafir o mushrik na to murtad mulhid

apne DanDe to kisi se bhi kahin milte nahin

rukhi-phiki si kabhi chaTni kahin sadi si dal

apni ghazlon ke muqaddar mein siri-pae nahin

baDi na-samjhi hai har shai ka samajh lena bhi

zehn afkar se aari hai agar jale nahin

tuf hai un aankhon pe jo KHud mein ulajh kar rah jaen

wo nigah kya jo yahan take wahan jhanke nahin

be-niyazana jiye jate hain apni dhun mein

bankpan kho na kahin jae nahin hae nahin