ye kaisi mohabbat thi ki gham tak nahin pahunche

ye kaisī mohabbat thī ki ġham tak nahīñ pahuñche

kuchh to thī kamī āḳhirī dam tak nahīñ pahuñche

yā apnī du'ā hī nahīñ pahuñchī tire dar tak

yā ham hī ḳhudā tere karam tak nahīñ pahuñche

mahrūmī-e-ulfat ki ye had hai ki ḳhudāyā

dīdār to phir ḳhair sitam tak nahīñ pahuñche

sunñā hai sunā.ūñ maiñ mohabbat ke natā.ej

vo vo rahe maiñ maiñ rahā ham tak nahīñ pahuñche

ye kis kā lahū chīḳh rahā jang kī ḳhātir

ye kaun haiñ jo ab bhī qalam tak nahīñ pahuñche

ye kaisi mohabbat thi ki gham tak nahin pahunche

kuchh to thi kami aaKHiri dam tak nahin pahunche

ya apni du'a hi nahin pahunchi tere dar tak

ya hum hi KHuda tere karam tak nahin pahunche

mahrumi-e-ulfat ki ye had hai ki KHudaya

didar to phir KHair sitam tak nahin pahunche

sunna hai sunaun main mohabbat ke nataej

wo wo rahe main main raha hum tak nahin pahunche

ye kis ka lahu chiKH raha jang ki KHatir

ye kaun hain jo ab bhi qalam tak nahin pahunche