ye kartab kar dikhana chahta hun

ye kartab kar dikhānā chāhtā huuñ

tujhe maiñ bhuul jaanā chāhtā huuñ

bhaTak jaatā huuñ aksar maiñ inhīñ se

nuqūsh-e-pā miTānā chāhtā huuñ

tujhe hāsil ho ḳhushiyoñ kā tabassum

maiñ tujh se haar jaanā chāhtā huuñ

maiñ bāhar huuñ ta'alluq se diloñ ke

yaqīñ ḳhud ko dilānā chāhtā huuñ

sunā hai zahr meñ lazzat bahut hai

kisī din āzmānā chāhtā huuñ

use ik roz ḳhud dekhūñgā pahle

tamāsha jo dikhānā chāhtā huuñ

mirā apnā to kuchh hai hī nahīñ jab

to phir maiñ kyā gañvānā chāhtā huuñ

bahut din se hī ye vīrāñ paḌī hai

havelī dil kī Dhānā chāhtā huuñ

ye kartab kar dikhana chahta hun

tujhe main bhul jaana chahta hun

bhaTak jata hun aksar main inhin se

nuqush-e-pa miTana chahta hun

tujhe hasil ho KHushiyon ka tabassum

main tujh se haar jaana chahta hun

main bahar hun ta'alluq se dilon ke

yaqin KHud ko dilana chahta hun

suna hai zahr mein lazzat bahut hai

kisi din aazmana chahta hun

use ek roz KHud dekhunga pahle

tamasha jo dikhana chahta hun

mera apna to kuchh hai hi nahin jab

to phir main kya ganwana chahta hun

bahut din se hi ye viran paDi hai

haweli dil ki Dhana chahta hun