ye kaun-o-makan kya hai taswir hai suraj ki

ye kaun-o-makāñ kyā hai tasvīr hai sūraj kī

har ḳhvāb hai sūraj kā ta.abīr hai sūraj kī

raushan haiñ azal se jo ākāsh kī vus.at meñ

in chāñd sitāroñ meñ tanvīr hai sūraj kī

har shai meñ sadā us kī har lafz usī kā hai

har fikr-e-munavvar bhī jāgīr hai sūraj kī

duniyā kī kahānī meñ bas is ke sivā kyā hai

jis samt nazar Daalo tafsīr hai sūraj kī

din raat ke parde meñ lamhāt kī kaḌiyāñ haiñ

ye vaqt kā ā.īna zanjīr hai sūraj kī

maujūd 'mirāq' us ke anvār har ik sū haiñ

be-shak har ik aalam meñ takbīr hai sūraj kī

ye kaun-o-makan kya hai taswir hai suraj ki

har KHwab hai suraj ka tabir hai suraj ki

raushan hain azal se jo aakash ki wusat mein

in chand sitaron mein tanwir hai suraj ki

har shai mein sada us ki har lafz usi ka hai

har fikr-e-munawwar bhi jagir hai suraj ki

duniya ki kahani mein bas is ke siwa kya hai

jis samt nazar Dalo tafsir hai suraj ki

din raat ke parde mein lamhat ki kaDiyan hain

ye waqt ka aaina zanjir hai suraj ki

maujud 'miraq' us ke anwar har ek su hain

be-shak har ek aalam mein takbir hai suraj ki