ye kaun shaKHs aaj apne darmiyan nahin raha

ye kaun shaḳhs aaj apne darmiyāñ nahīñ rahā

ki jis sabab se mere sar pe sā.ebāñ nahīñ rahā

maiñ qaid-e-jism chhoḌ kar nikal chukā na.e safar

jise talāshte ho tum nahīñ miyāñ nahīñ rahā

zamīñ ke bāsiyoñ ne kab nahīñ kahā ḳhudā ḳhudā

mujhe batā ḳhudā kahāñ rahā kahāñ nahīñ rahā

ye zindagī ke saath ek silsila rahā ajab

zamīñ milī agar to sar pe āsmāñ nahīñ rahā

ravāñ rahā hai jis tarah ye aab merī āñkhoñ se

yaqīñ karo yuuñ bahr-e-nīl meñ ravāñ nahīñ rahā

zamīñ pe chār-sū fazā ye phūñktī rahī diye

ye kab huā ki shahr meñ kabhī dhuāñ nahīñ rahā

ravāñ baras meñ aab yuuñ ajab huā ulaT palaT

chahār samt koī ek bhī makāñ nahīñ rahā

ye kaun shaKHs aaj apne darmiyan nahin raha

ki jis sabab se mere sar pe saeban nahin raha

main qaid-e-jism chhoD kar nikal chuka nae safar

jise talashte ho tum nahin miyan nahin raha

zamin ke basiyon ne kab nahin kaha KHuda KHuda

mujhe bata KHuda kahan raha kahan nahin raha

ye zindagi ke sath ek silsila raha ajab

zamin mili agar to sar pe aasman nahin raha

rawan raha hai jis tarah ye aab meri aankhon se

yaqin karo yun bahr-e-nil mein rawan nahin raha

zamin pe chaar-su faza ye phunkti rahi diye

ye kab hua ki shahr mein kabhi dhuan nahin raha

rawan baras mein aab yun ajab hua ulaT palaT

chahaar samt koi ek bhi makan nahin raha