ye KHazaf mere liye hain ye guhar mere liye

ye ḳhazaf mere liye haiñ ye guhar mere liye

maiñ huuñ maḳhdūm-e-jahāñ hai ḳhushk-o-tar mere liye

jannat-o-dozaḳh bane haiñ arsh par mere liye

aur zamīñ par ehtimām-e-ḳhair-o-shar mere liye

arsh-e-a.azam tak mirī parvāz hai ai be-ḳhabar

aur nahīñ hai ehtiyāj-e-bāl-o-par mere liye

aarzū hai azm-o-himmat hai dil-e-pur-shauq hai

dosto kaafī hai ye raḳht-e-safar mere liye

aaj mujh par hañs rahe haiñ log is kā ġham nahīñ

ek din hogī sabhī kī aañkh tar mere liye

rafta rafta ho ga.e nārāz ai 'maqbūl' sab

zahr bhī ab ho gayā hai be-asar mere liye

ye KHazaf mere liye hain ye guhar mere liye

main hun maKHdum-e-jahan hai KHushk-o-tar mere liye

jannat-o-dozaKH bane hain arsh par mere liye

aur zamin par ehtimam-e-KHair-o-shar mere liye

arsh-e-azam tak meri parwaz hai ai be-KHabar

aur nahin hai ehtiyaj-e-baal-o-par mere liye

aarzu hai azm-o-himmat hai dil-e-pur-shauq hai

dosto kafi hai ye raKHt-e-safar mere liye

aaj mujh par hans rahe hain log is ka gham nahin

ek din hogi sabhi ki aankh tar mere liye

rafta rafta ho gae naraaz ai 'maqbul' sab

zahr bhi ab ho gaya hai be-asar mere liye