ye KHwab jo ham-safar hain mere

ye ḳhvāb jo ham-safar haiñ mere

qātil haiñ ki chārāgar haiñ mere

vo sāmne āsmāñ hai lekin

bhīge hue bāl-o-par haiñ mere

maiñ sham.a kahāñ kahāñ jalā.ūñ

bastī ke tamām ghar haiñ mere

mere liye kitnī der ro.eñ

ye log jo chārāgar haiñ mere

ye shaam kahāñ se aa rahī hai

mahke hue bām-o-dar haiñ mere

phailā to girūñgā āsmāñ par

paañv aisī zamīn par haiñ mere

dariyā ne bahut diyā hai 'qaisar'

kashtī na sahī bhañvar haiñ mere

ye KHwab jo ham-safar hain mere

qatil hain ki chaaragar hain mere

wo samne aasman hai lekin

bhige hue baal-o-par hain mere

main shama kahan kahan jalaun

basti ke tamam ghar hain mere

mere liye kitni der roen

ye log jo chaaragar hain mere

ye sham kahan se aa rahi hai

mahke hue baam-o-dar hain mere

phaila to girunga aasman par

panw aisi zamin par hain mere

dariya ne bahut diya hai 'qaisar'

kashti na sahi bhanwar hain mere