ye kis maqam-e-tamanna se dil guzarne laga

ye kis maqām-e-tamannā se dil guzarne lagā

havā hai jism meñ ik zahr sā utarne lagā

ulajh rahā hai tirī bū-e-pairahan se badan

ki phuul halqa-e-bāzū kā kaam karne lagā

havā-e-dard ne mohlat na dī sambhalne kī

nuqūsh-e-yād sameTe to maiñ bikharne lagā

vo thā sitāra-e-rañgīñ ki māhtāb kī qaash

huī jo shab to tire lab pe rañg ubharne lagā

huā kuchh is tarah insāf bhī ravā 'jamshed'

ki munsifoñ se dil-e-be-gunāh Darne lagā

ye kis maqam-e-tamanna se dil guzarne laga

hawa hai jism mein ek zahr sa utarne laga

ulajh raha hai teri bu-e-pairahan se badan

ki phul halqa-e-bazu ka kaam karne laga

hawa-e-dard ne mohlat na di sambhalne ki

nuqush-e-yaad sameTe to main bikharne laga

wo tha sitara-e-rangin ki mahtab ki qash

hui jo shab to tere lab pe rang ubharne laga

hua kuchh is tarah insaf bhi rawa 'jamshed'

ki munsifon se dil-e-be-gunah Darne laga