ye kis ne Dal kanTon ki qarib-e-ashiyan rakh di

ye kis ne Daal kāñToñ kī qarīb-e-āshiyāñ rakh dī

kahāñ kī chiiz thī nādān ne dekho kahāñ rakh dī

ab is dīvāngī par kyuuñ na vaare jaa.eñ ham yaaro

ki jis ne ḳhaar ke muñh meñ shagūfe kī zabāñ rakh dī

zamāne kī nazar meñ ḳhār-o-ḳhas the chaar tinke the

unhīñ par dil ke kārī-gar ne buniyād-e-jahāñ rakh dī

ham apnī be-ḳhudī meñ ghar kā naqsha bhuul baiThe haiñ

kahāñ hai tāq-e-nisyāñ jis pe tashvīsh-e-ziyāñ rakh dī

hamāre ishq ke charche zamāne bhar meñ hote the

ye kis ne dushmanī āḳhir hamāre darmiyāñ rakh dī

karam kaafī thā tere 'soz' ke barbād karne ko

sitam ke haath meñ talvār kyuuñ a jān-e-jāñ rakh dī

ye kis ne Dal kanTon ki qarib-e-ashiyan rakh di

kahan ki chiz thi nadan ne dekho kahan rakh di

ab is diwangi par kyun na ware jaen hum yaro

ki jis ne KHar ke munh mein shagufe ki zaban rakh di

zamane ki nazar mein KHar-o-KHas the chaar tinke the

unhin par dil ke kari-gar ne buniyaad-e-jahan rakh di

hum apni be-KHudi mein ghar ka naqsha bhul baiThe hain

kahan hai taq-e-nisyan jis pe tashwish-e-ziyan rakh di

hamare ishq ke charche zamane bhar mein hote the

ye kis ne dushmani aaKHir hamare darmiyan rakh di

karam kafi tha tere 'soz' ke barbaad karne ko

sitam ke hath mein talwar kyun a jaan-e-jaan rakh di