ye kya hawa mein uDe aur paron se sher kahe

ye kyā havā meñ uḌe aur paroñ se sher kahe

na.e parind se kah do sukūñ se sher kahe

jab ik ġhazal se na TuuTā vo somnāt-e-badan

to maiñ ne satrah na.e zāviyoñ se sher kahe

har ek shaḳhs pe khultā kahāñ hai bāb-e-atā

aziiz ham ne baḌī minnatoñ se sher kahe

suḳhan buland thā tum se so dekh lo ham ne

tumhāre ba.ad sabhī sar-nigūñ se sher kahe

bujhegī tishna-laboñ kī hamāre sher se pyaas

ye soch kar hī khule pāniyoñ se sher kahe

ḳhabar thī chhāñv ko tarsegā vo kabhī na kabhī

so 'rāz' ham ne bahut bargadoñ se sher kahe

ye kya hawa mein uDe aur paron se sher kahe

nae parind se kah do sukun se sher kahe

jab ek ghazal se na TuTa wo somnat-e-badan

to main ne satrah nae zawiyon se sher kahe

har ek shaKHs pe khulta kahan hai bab-e-ata

aziz hum ne baDi minnaton se sher kahe

suKHan buland tha tum se so dekh lo hum ne

tumhaare baad sabhi sar-nigun se sher kahe

bujhegi tishna-labon ki hamare sher se pyas

ye soch kar hi khule paniyon se sher kahe

KHabar thi chhanw ko tarsega wo kabhi na kabhi

so 'raaz' hum ne bahut bargadon se sher kahe