ye kya ki baiTh gae gard-e-rahguzar ki tarah

ye kyā ki baiTh ga.e gard-e-rahguzar kī tarah

safar tamām karo dosto safar kī tarah

ruke jo raah meñ un par na-jāne kyā guzrī

hamīñ to dhuup hai ab sāya-e-shajar kī tarah

fazā fazā jo pareshāñ haiñ abr kī sūrat

sadaf sadaf vo mileñge kabhī guhar kī tarah

ġham-e-jahāñ kī tapish se sulag rahe haiñ badan

hayāt bhī hai kisī dasht ke safar kī tarah

kabhī to aa ki ho raushan charāġh-e-shām-e-visāl

mirā bhī ghar nazar aa.e kabhī to ghar kī tarah

ye kya ki baiTh gae gard-e-rahguzar ki tarah

safar tamam karo dosto safar ki tarah

ruke jo rah mein un par na-jaane kya guzri

hamin to dhup hai ab saya-e-shajar ki tarah

faza faza jo pareshan hain abr ki surat

sadaf sadaf wo milenge kabhi guhar ki tarah

gham-e-jahan ki tapish se sulag rahe hain badan

hayat bhi hai kisi dasht ke safar ki tarah

kabhi to aa ki ho raushan charagh-e-sham-e-visal

mera bhi ghar nazar aae kabhi to ghar ki tarah