ye kya maqam teri rahguzar mein aae hain

ye kyā maqām tirī rahguzar meñ aa.e haiñ

koī bhī ġhair nahīñ aur sab parā.e haiñ

hayāt jin ke tasavvur se jagmagā uTThe

vo tābnāk añdhere kahāñ samā.e haiñ

ye jurm hai to koī be-sabab nahīñ kartā

paḌī hai choT jigar par to muskurā.e haiñ

ham aur dil kī tabāhī pe ġhaur farmā.eñ

ye hādse to ka.ī baar pesh aa.e haiñ

paḌī hai jab bhī zarūrat subūt-e-yazdāñ kī

mire kivāḌ zamāne ne khaTkhaTā.e haiñ

vo inqalāb na jaane kab aa.egā 'ishrat'

jis inqalāb kī hasrat meñ jug bitā.e haiñ

ye kya maqam teri rahguzar mein aae hain

koi bhi ghair nahin aur sab parae hain

hayat jin ke tasawwur se jagmaga uTThe

wo tabnak andhere kahan samae hain

ye jurm hai to koi be-sabab nahin karta

paDi hai choT jigar par to muskurae hain

hum aur dil ki tabahi pe ghaur farmaen

ye hadse to kai bar pesh aae hain

paDi hai jab bhi zarurat subut-e-yazdan ki

mere kiwaD zamane ne khaTkhaTae hain

wo inqalab na jaane kab aaega 'ishrat'

jis inqalab ki hasrat mein jug bitae hain