ye kya tazad ab ke meri dastan mein hai

ye kyā tazād ab ke merī dāstāñ meñ hai

ik shā.iba-e-ḳhanda bhī āh-o-fuġhāñ meñ hai

mushtarka haiñ hamāre ilāj-e-ġham-e-hayāt

jo merī aartī meñ hai terī azaañ meñ hai

kaisī havā chalī hai ki jis kā koī shumār

bād-e-bahār meñ hai na ba.ad-e-ḳhizāñ meñ hai

sunte to the vasī.a bahut hai falak magar

vus.at kahāñ in āñkhoñ sī is āsmāñ meñ hai

sad-jalva rū-barū hai kahāñ par ruke nigāh

shoḳhī fulāñ fulāñ meñ nazākat fulāñ meñ hai

kis ke lahū se karnī hai sairāb nok-e-ḳhār

itnī to sūjh-būjh mire bāġhbāñ meñ hai

ye kya tazad ab ke meri dastan mein hai

ek shaiba-e-KHanda bhi aah-o-fughan mein hai

mushtarka hain hamare ilaj-e-gham-e-hayat

jo meri aarti mein hai teri azan mein hai

kaisi hawa chali hai ki jis ka koi shumar

baad-e-bahaar mein hai na baad-e-KHizan mein hai

sunte to the wasia bahut hai falak magar

wusat kahan in aankhon si is aasman mein hai

sad-jalwa ru-baru hai kahan par ruke nigah

shoKHi fulan fulan mein nazakat fulan mein hai

kis ke lahu se karni hai sairab nok-e-KHar

itni to sujh-bujh mere baghban mein hai