ye mana nit-nae fitne ajab ranjan-o-mehan jage

ye maanā nit-na.e fitne ajab rañjan-o-mehan jaage

magar ye bhī to dekho chār-sū kyā kyā chaman jaage

bujhe baiThe raheñ kab tak bas ab shīshe ko chhalkāo

lahū chahke nafas mahke ḳhirad nāche badan jaage

koī aisī bhī saa.at ho koī aisī bhī shab aa.e

ki merī hasrateñ so jaa.eñ terā bāñkpan jaage

kitāb-e-jism narmī se varaq andar varaq dekheñ

hijāb-e-shauq garmī se shikan andar shikan jaage

ḳhumār-e-be-dilī had se fuzūñ hai aur dil tanhā

koī aisī ġhazal chheḌo ki har dāġh-e-kuhan jaage

kaho gesu-e-mushkīñ se ki bādal jhuum kar uTheñ

zarā band-e-qabā kholo ki gul kī anjuman jaage

piyo vo shai jo ham piite haiñ jam piitā thā zamzam kyā

jise piine se ai vaa.iz na tan jaage na man jaage

ye mana nit-nae fitne ajab ranjan-o-mehan jage

magar ye bhi to dekho chaar-su kya kya chaman jage

bujhe baiThe rahen kab tak bas ab shishe ko chhalkao

lahu chahke nafas mahke KHirad nache badan jage

koi aisi bhi saat ho koi aisi bhi shab aae

ki meri hasraten so jaen tera bankpan jage

kitab-e-jism narmi se waraq andar waraq dekhen

hijab-e-shauq garmi se shikan andar shikan jage

KHumar-e-be-dili had se fuzun hai aur dil tanha

koi aisi ghazal chheDo ki har dagh-e-kuhan jage

kaho gesu-e-mushkin se ki baadal jhum kar uThen

zara band-e-qaba kholo ki gul ki anjuman jage

piyo wo shai jo hum pite hain jam pita tha zamzam kya

jise pine se ai waiz na tan jage na man jage