ye maine mana kuchh usne kaha hai lekin kya

ye maiñ ne maanā kuchh us ne kahā hai lekin kyā

hamārā haal sab us ko patā hai lekin kyā

mirī salīb to rakhvā do mere kandhoñ par

qatār lambī hai vaqfa baḌā hai lekin kyā

rahī na paañv meñ jumbish na aañkh meñ ummīd

hamāre sāmne rasta paḌā hai lekin kyā

har ek shaḳhs muqaffal makān ke mānind

nagar meñ kuchh to yaqīnan huā hai lekin kyā

koī batāo kahāñ dūsrā qadam rakhūñ

dayār-e-zīst bahut hī baḌā hai lekin kyā

uThā ke le ga.iiñ 'ābid' ko maujeñ sāhil se

koī safīna use DhūñDhtā hai lekin kyā

ye main ne mana kuchh us ne kaha hai lekin kya

hamara haal sab us ko pata hai lekin kya

meri salib to rakhwa do mere kandhon par

qatar lambi hai waqfa baDa hai lekin kya

rahi na panw mein jumbish na aankh mein ummid

hamare samne rasta paDa hai lekin kya

har ek shaKHs muqaffal makan ke manind

nagar mein kuchh to yaqinan hua hai lekin kya

koi batao kahan dusra qadam rakhun

dayar-e-zist bahut hi baDa hai lekin kya

uTha ke le gain 'abid' ko maujen sahil se

koi safina use DhunDhta hai lekin kya