ye maslahat-andesh karam yaad rahega

ye maslahat-andesh karam yaad rahegā

saaqī tirī nazroñ kā bharam yaad rahegā

ġham yaad rahegā na alam yaad rahegā

ik hāsil-e-ġham rabt-e-baham yaad rahegā

but-ḳhāne kī azmat kā pata jis se milā hai

vo hādisa-e-dair-o-haram yaad rahegā

hai ahl-e-mohabbat ke liye ka.aba-e-maqsad

vo shoḳh tarahdār sanam yaad rahegā

us aañkh meñ aañsū the ki paiġhām-e-tabāhī

ehsās-e-gunahgārī-e-ġham yaad rahegā

us shoḳh kī nazroñ ko na bhūlegī ye mahfil

merā dil-e-dīvāna hī kam yaad rahegā

be-mehrī-e-dildār bhulā saktā hai lekin

'bāsit' ko vafāoñ kā bharam yaad rahegā

ye maslahat-andesh karam yaad rahega

saqi teri nazron ka bharam yaad rahega

gham yaad rahega na alam yaad rahega

ek hasil-e-gham rabt-e-baham yaad rahega

but-KHane ki azmat ka pata jis se mila hai

wo hadisa-e-dair-o-haram yaad rahega

hai ahl-e-mohabbat ke liye kaba-e-maqsad

wo shoKH tarahdar sanam yaad rahega

us aankh mein aansu the ki paigham-e-tabahi

ehsas-e-gunahgari-e-gham yaad rahega

us shoKH ki nazron ko na bhulegi ye mahfil

mera dil-e-diwana hi kam yaad rahega

be-mehri-e-dildar bhula sakta hai lekin

'basit' ko wafaon ka bharam yaad rahega