ye mera dil kahan hai ab tumhaari rajdhani hai

ye merā dil kahāñ hai ab tumhārī rājdhānī hai

mire dil par tumhāre dard-o-ġham kī hukmrānī hai

suno kuchh to kaho tum kyoñ bhalā yuuñ ruuTh baiThī ho

hamesha maiñ ne merī jaañ tumhārī baat maanī hai

mujhe koī nahīñ samjhā kisī ne bhī nahīñ jaanā

suno gar vaqt ho tum ko mire dil kī sunānī hai

maiñ sach ko sach hī kahtā huuñ ḳhushāmad kar nahīñ saktā

abhī kī to nahīñ merī ye aadat ḳhāndānī hai

tumhāre ġham ko rotā hai tum is par muskurāte ho

samajhte jhuuT ho sach ko tumhārī bad-gumānī hai

lagānā is se dil kā kyā khilaunā hai ye miTTī kā

ye duniyā khel bachchoñ kā na kuchh aanī na jaanī hai

batāne kī zarūrat kyā samajhtā huuñ tumhārā ġham

suno aañsū tumhāre dard-o-ġham kī tarjumānī hai

ye mera dil kahan hai ab tumhaari rajdhani hai

mere dil par tumhaare dard-o-gham ki hukmrani hai

suno kuchh to kaho tum kyon bhala yun ruTh baiThi ho

hamesha main ne meri jaan tumhaari baat mani hai

mujhe koi nahin samjha kisi ne bhi nahin jaana

suno gar waqt ho tum ko mere dil ki sunani hai

main sach ko sach hi kahta hun KHushamad kar nahin sakta

abhi ki to nahin meri ye aadat KHandani hai

tumhaare gham ko rota hai tum is par muskuraate ho

samajhte jhuT ho sach ko tumhaari bad-gumani hai

lagana is se dil ka kya khilauna hai ye miTTi ka

ye duniya khel bachchon ka na kuchh aani na jaani hai

batane ki zarurat kya samajhta hun tumhaara gham

suno aansu tumhaare dard-o-gham ki tarjumani hai