ye mera dil usi se dil laga ke baiTh gaya

ye merā dil usī se dil lagā ke baiTh gayā

jo ek baar mirā dil jalā ke baiTh gayā

maiñ chāhtā thā vo mujh se chipak ke baiThī rahe

so jān-būjh ke battī bujhā ke baiTh gayā

jab us ko dekh ke aañsū ye sabr khone lage

maiñ us ke sāmne chashma lagā ke baiTh gayā

use mujhe chale jaane se roknā thā magar

vo be-hayā mujhe rasta batā ke baiTh gayā

yahī duā hai ki vo raat kaaT de puurī

maiñ jis charāġh pe paisa lagā ke baiTh gayā

mahal banā ke bhī mazdūr jhopḌī meñ rahā

jo ḳhud udaas thā sab ko hañsā ke baiTh gayā

ḳhudā ke baad kisī aur ko nahīñ chāhā

ḳhudā ke baad tirī raT lagā ke baiTh gayā

ye mera dil usi se dil laga ke baiTh gaya

jo ek bar mera dil jala ke baiTh gaya

main chahta tha wo mujh se chipak ke baiThi rahe

so jaan-bujh ke batti bujha ke baiTh gaya

jab us ko dekh ke aansu ye sabr khone lage

main us ke samne chashma laga ke baiTh gaya

use mujhe chale jaane se rokna tha magar

wo be-haya mujhe rasta bata ke baiTh gaya

yahi dua hai ki wo raat kaT de puri

main jis charagh pe paisa laga ke baiTh gaya

mahal bana ke bhi mazdur jhopDi mein raha

jo KHud udas tha sab ko hansa ke baiTh gaya

KHuda ke baad kisi aur ko nahin chaha

KHuda ke baad teri raT laga ke baiTh gaya