ye meri baat ghalat Dhang se sunate hain

ye merī baat ġhalat Dhañg se sunāte haiñ

kuchh aur maiñ ne kahā thā ye kuchh batāte haiñ

tamām umr kabhī ham ne ye nahīñ sochā

ham aa.e kis liye aur kyoñ yahāñ se jaate haiñ

safar ye chaah kā hai sāz-bāz raah kā hai

ḳharāb-o-ḳhasta chalo apne ghar ko jaate haiñ

charāġhāñ un ke liye hai hamārī barbādī

ba-nām-e-raushnī ye bastiyāñ jalāte haiñ

tumhārī āñkhoñ ne dil ko asiir rakhā hai

tumhārī āñkhoñ meñ ham Dūbte hī jaate haiñ

hameñ sunāte haiñ vo dāstāñ na.ī se na.ī

phir is ke badle meñ ham shā.irī sunāte haiñ

tumheñ batā.eñ miyāñ hotā kyā hai baazī meñ

vo chaal chaltā hai to sab hī haar jaate haiñ

ham us se haath milāte haiñ haal pūchhte haiñ

ham us ko jānte haiñ ye use jatāte haiñ

ye meri baat ghalat Dhang se sunate hain

kuchh aur main ne kaha tha ye kuchh batate hain

tamam umr kabhi hum ne ye nahin socha

hum aae kis liye aur kyon yahan se jate hain

safar ye chah ka hai saz-baz rah ka hai

KHarab-o-KHasta chalo apne ghar ko jate hain

charaghan un ke liye hai hamari barbaadi

ba-nam-e-raushni ye bastiyan jalate hain

tumhaari aankhon ne dil ko asir rakha hai

tumhaari aankhon mein hum Dubte hi jate hain

hamein sunate hain wo dastan nai se nai

phir is ke badle mein hum shairi sunate hain

tumhein bataen miyan hota kya hai bazi mein

wo chaal chalta hai to sab hi haar jate hain

hum us se hath milate hain haal puchhte hain

hum us ko jaante hain ye use jatate hain