ye meri ghazal ka mizaj hai kabhi aag hai kabhi phul hai

ye mirī ġhazal kā mizāj hai kabhī aag hai kabhī phuul hai

kabhī qahqahoñ kā hai qāfila kabhī āñsuoñ se malūl hai

jo de pyaar tū use pyaar de jo de dard us ko mu'āf kar

yahī zindagī kā hai qā.eda yahī dostī kā usuul hai

yahāñ sab hai terā diyā huā mirā jaam bhī mirī pyaas bhī

tire haath se jo mile agar mujhe tishnagī bhī qubūl hai

tū chalā gayā mujhe chhoḌ kar mujhe bhūlne kī umiid meñ

mujhe bhuul pā.egā tū kabhī tirā sochnā tirī bhuul hai

ye tamaddunoñ ke charāġh sā ye vatan mirā kisī baaġh sā

jise chhū ke ruuh mahak uThī mire hind vo tirī dhuul hai

ye meri ghazal ka mizaj hai kabhi aag hai kabhi phul hai

kabhi qahqahon ka hai qafila kabhi aansuon se malul hai

jo de pyar tu use pyar de jo de dard us ko mu'af kar

yahi zindagi ka hai qaeda yahi dosti ka usul hai

yahan sab hai tera diya hua mera jam bhi meri pyas bhi

tere hath se jo mile agar mujhe tishnagi bhi qubul hai

tu chala gaya mujhe chhoD kar mujhe bhulne ki umid mein

mujhe bhul paega tu kabhi tera sochna teri bhul hai

ye tamaddunon ke charagh sa ye watan mera kisi bagh sa

jise chhu ke ruh mahak uThi mere hind wo teri dhul hai