ye meri sham-e-judai kis bala ki sham hai

ye mirī shām-e-judā.ī kis balā kī shaam hai

saikḌoñ lākhoñ balā.eñ ik dil-e-nākām hai

dast-e-sāqī meñ jhalaktā sāġhar-e-gulfām hai

jaane qismat kā sikandar kaun tishna-kām hai

iḳhtitām-e-roġhan-e-hastī kā ye anjām hai

lau charāġh-e-zindagī kī larza-bar-andām hai

mere lāshe par azīz-o-āshnā rote haiñ kyoñ

ab mujhe taklīf kyā ārām hī ārām hai

bekasī ne merī bālīñ par dam-e-āḳhir kahā

jitnī sub.heñ ho chukī haiñ hotī sab kī shaam hai

paañv thak jaa.eñ balā se shauq thakne kā nahīñ

manzil-e-maqsūd lākhoñ kos bhī do gaam hai

laḌkhaḌā kar gir paḌā huuñ aa ke manzil ke qarīb

tum kahāñ baiThe ho aao ab tumhārā kaam hai

achchhī sūrat ko na jaane kyoñ burā kahte haiñ log

husn-e-bechāra to 'nashtar' muft meñ badnām hai

ye meri sham-e-judai kis bala ki sham hai

saikDon lakhon balaen ek dil-e-nakaam hai

dast-e-saqi mein jhalakta saghar-e-gulfam hai

jaane qismat ka sikandar kaun tishna-kaam hai

iKHtitam-e-roghan-e-hasti ka ye anjam hai

lau charagh-e-zindagi ki larza-bar-andam hai

mere lashe par aziz-o-ashna rote hain kyon

ab mujhe taklif kya aaram hi aaram hai

bekasi ne meri baalin par dam-e-aKHir kaha

jitni subhen ho chuki hain hoti sab ki sham hai

panw thak jaen bala se shauq thakne ka nahin

manzil-e-maqsud lakhon kos bhi do gam hai

laDkhaDa kar gir paDa hun aa ke manzil ke qarib

tum kahan baiThe ho aao ab tumhaara kaam hai

achchhi surat ko na jaane kyon bura kahte hain log

husn-e-bechaara to 'nashtar' muft mein badnam hai