ye meri zid hai ki mujhko wo manane aae

ye mirī zid hai ki mujh ko vo manāne aa.e

saath mere bhī vo kuchh vaqt bitāne aa.e

kab talak āñkheñ khuleñgī mirī mobile se

bhīgī zulfoñ se vo mujh ko to jagāne aa.e

baat mahfil meñ jo aa.ī kabhī dildārī kī

dost saare vo mujhe yaad purāne aa.e

haa.e afsos ye bārish mirī sautan hai banī

dhuup nikle to vo kapḌoñ ko sukhāne aa.e

mai-kadoñ meñ to bahut pī hai magar ab 'āmir'

hai yahī chaah ki mujh ko vo pilāne aa.e

ye meri zid hai ki mujh ko wo manane aae

sath mere bhi wo kuchh waqt bitane aae

kab talak aankhen khulengi meri mobile se

bhigi zulfon se wo mujh ko to jagane aae

baat mahfil mein jo aai kabhi dildari ki

dost sare wo mujhe yaad purane aae

hae afsos ye barish meri sautan hai bani

dhup nikle to wo kapDon ko sukhane aae

mai-kadon mein to bahut pi hai magar ab 'amir'

hai yahi chah ki mujh ko wo pilane aae