ye meri zindagi kisi ki hai

ye mirī zindagī kisī kī hai

fikr mat kiije aap hī kī hai

jo ḳhafā hai use manānā hai

is liye ham ne shā'irī kī hai

jin ko maanā thā dil-'azīz kabhī

unhī apnoñ ne dushmanī kī hai

Thokareñ laakh khā.īñ ham ne magar

sirf ik rab kī bandagī kī hai

us hasīna ke bin jiyeñ kaise

TuuT kar jis se dil-lagī kī hai

'ishq kar ke pata chalā ham ko

ham ne jiite jī ḳhud-kushī kī hai

tum ko 'parvez' kyā huā hai aaj

ik hasīna se dostī kī hai

ye meri zindagi kisi ki hai

fikr mat kije aap hi ki hai

jo KHafa hai use manana hai

is liye hum ne sha'iri ki hai

jin ko mana tha dil-'aziz kabhi

unhi apnon ne dushmani ki hai

Thokaren lakh khain hum ne magar

sirf ek rab ki bandagi ki hai

us hasina ke bin jiyen kaise

TuT kar jis se dil-lagi ki hai

'ishq kar ke pata chala hum ko

hum ne jite ji KHud-kushi ki hai

tum ko 'parwez' kya hua hai aaj

ek hasina se dosti ki hai