ye mujhse puchhte hain chaaragar kyun

ye mujh se pūchhte haiñ chāragar kyuuñ

ki tū zinda to hai ab tak magar kyuuñ

jo rasta chhoḌ ke maiñ jā rahā huuñ

usī raste pe jaatī hai nazar kyuuñ

thakan se chuur paas aayā thā us ke

girā sote meñ mujh par ye shajar kyuuñ

sunā.eñge kabhī fursat meñ tum ko

ki ham barsoñ rahe haiñ dar-ba-dar kyuuñ

yahāñ bhī sab haiñ begāna hī mujh se

kahūñ maiñ kyā ki yaad aayā hai ghar kyuuñ

maiñ ḳhush rahtā agar samjhā na hotā

ye duniyā hai to maiñ huuñ dīda-var kyuuñ

ye mujh se puchhte hain chaaragar kyun

ki tu zinda to hai ab tak magar kyun

jo rasta chhoD ke main ja raha hun

usi raste pe jati hai nazar kyun

thakan se chur pas aaya tha us ke

gira sote mein mujh par ye shajar kyun

sunaenge kabhi fursat mein tum ko

ki hum barson rahe hain dar-ba-dar kyun

yahan bhi sab hain begana hi mujh se

kahun main kya ki yaad aaya hai ghar kyun

main KHush rahta agar samjha na hota

ye duniya hai to main hun dida-war kyun