ye na socho ki thi aapas mein mohabbat kaisi

ye na socho ki thī aapas meñ mohabbat kaisī

ab vo dushman hai to phir us se muravvat kaisī

sochte sochte ye umr guzar jā.egī

aane vaalī hai ḳhudā jaane musībat kaisī

jab charāġhoñ kī hifāzat nahīñ hotī tum se

phir añdherā hai gharoñ meñ to shikāyat kaisī

chhīn le apnī sabhī ne.amateñ pahle mujh se

phir ye ehsās dilā hotī hai ġhurbat kaisī

dekhnā tum kabhī ḳhairāt-e-mohabbat de kar

dil meñ darvesh ke baḌh jaatī hai izzat kaisī

jis kī lāThī meñ hai dam bhaiñs bhī us kī hogī

zulm kyā jaane ki hotī hai sharāfat kaisī

ye hunar bhī to sikhāyā hai tumhīñ ne 'shātir'

aaj vo madd-e-muqābil hai to hairat kaisī

ye na socho ki thi aapas mein mohabbat kaisi

ab wo dushman hai to phir us se murawwat kaisi

sochte sochte ye umr guzar jaegi

aane wali hai KHuda jaane musibat kaisi

jab charaghon ki hifazat nahin hoti tum se

phir andhera hai gharon mein to shikayat kaisi

chhin le apni sabhi neamaten pahle mujh se

phir ye ehsas dila hoti hai ghurbat kaisi

dekhna tum kabhi KHairaat-e-mohabbat de kar

dil mein darwesh ke baDh jati hai izzat kaisi

jis ki laThi mein hai dam bhains bhi us ki hogi

zulm kya jaane ki hoti hai sharafat kaisi

ye hunar bhi to sikhaya hai tumhin ne 'shatir'

aaj wo madd-e-muqabil hai to hairat kaisi