ye nizam-e-zindagi badla hai kya

ye nizām-e-zindagī badlā hai kyā

dekhte rahiye abhī dekhā hai kyā

umr kaaTī hai samajhte būjhte

āḳhirash samjhā hai kyā būjhā hai kyā

aa.ina bhī dekhtā ho aap ko

yuuñ bhī ā.īna kabhī dekhā hai kyā

jis pe jaañ dene kī khāte ho qasam

TuuT kar us ko kabhī chāhā hai kyā

māñgte phirte ho saaya dhuup se

kyoñ miyāñ sar par koī saayā hai kyā

ai kabūtar sar pe aa pahuñchā uqaab

be-ḳhabar mastī meñ tū uḌtā hai kyā

zeb-o-zebā.ish kī ḳhūnīñ dauḌ meñ

kyā hai zebā aur nā-zebā hai kyā

duur tak andher hī andher hai

lashkar is jā se koī guzrā hai kyā

zulm ab to qābil-e-ezāz hai

zalzala phir shahr meñ aanā hai kyā

jū-e-ḳhūñ hai ik tasavvur meñ ravāñ

jaane is taqdīr meñ likkhā hai kyā

phir hayāt-afroz ho bazm-e-suḳhan

haañ 'sahar' sar meñ yahī saudā hai kyā

ye nizam-e-zindagi badla hai kya

dekhte rahiye abhi dekha hai kya

umr kaTi hai samajhte bujhte

aaKHirash samjha hai kya bujha hai kya

aaina bhi dekhta ho aap ko

yun bhi aaina kabhi dekha hai kya

jis pe jaan dene ki khate ho qasam

TuT kar us ko kabhi chaha hai kya

mangte phirte ho saya dhup se

kyon miyan sar par koi saya hai kya

ai kabutar sar pe aa pahuncha uqab

be-KHabar masti mein tu uDta hai kya

zeb-o-zebaish ki KHunin dauD mein

kya hai zeba aur na-zeba hai kya

dur tak andher hi andher hai

lashkar is ja se koi guzra hai kya

zulm ab to qabil-e-ezaz hai

zalzala phir shahr mein aana hai kya

ju-e-KHun hai ek tasawwur mein rawan

jaane is taqdir mein likkha hai kya

phir hayat-afroz ho bazm-e-suKHan

han 'sahar' sar mein yahi sauda hai kya