ye nur-e-sahar rang-e-sahar tak nahin pahuncha

ye nūr-e-sahar rang-e-sahar tak nahīñ pahuñchā

yā'nī ki guhar āb-e-guhar tak nahīñ pahuñchā

ārām se so jā.iye kuchh fikr na kiije

ye sail-e-ravāñ aap ke ghar tak nahīñ pahuñchā

ab mere miTāne kī na.ī raah nikālo

ye tesha-e-āfāt bhī sar tak nahīñ pahuñchā

baj uThte nahīñ ḳhauf se kyoñ kaan ke parde

kyā shor-e-qayāmat abhī dar tak nahīñ pahuñchā

baḌh kar dil-e-betāb ne ḳhud raah dikhā.ī

jab qāfila-e-umr sahar tak nahīñ pahuñchā

majbūr-e-masā.ib ne baḌī yaas se dekhā

jab nāla-e-shab bāb-e-asar tak nahīñ pahuñchā

be-rāh-ravī kī koī had bhī hai 'sharār' aaj

barsoñ kā musāfir abhī ghar tak nahīñ pahuñchā

ye nur-e-sahar rang-e-sahar tak nahin pahuncha

ya'ni ki guhar aab-e-guhar tak nahin pahuncha

aaram se so jaiye kuchh fikr na kije

ye sail-e-rawan aap ke ghar tak nahin pahuncha

ab mere miTane ki nai rah nikalo

ye tesha-e-afat bhi sar tak nahin pahuncha

baj uThte nahin KHauf se kyon kan ke parde

kya shor-e-qayamat abhi dar tak nahin pahuncha

baDh kar dil-e-betab ne KHud rah dikhai

jab qafila-e-umr sahar tak nahin pahuncha

majbur-e-masaib ne baDi yas se dekha

jab nala-e-shab bab-e-asar tak nahin pahuncha

be-rah-rawi ki koi had bhi hai 'sharar' aaj

barson ka musafir abhi ghar tak nahin pahuncha