ye peD ye pahaD zamin ki umang hain

ye peḌ ye pahāḌ zamīñ kī umañg haiñ

saare nasheb jin kī uThānoñ pe dañg haiñ

bāhar ho habs phir bhī darīcha khulā rakhūñ

ye ḳhud tasalliyāñ mire jiine kā Dhañg haiñ

DhūñDūñ ki intihā kī mujhe intihā mile

ye shash-jahāt merī tamannā pe tañg haiñ

ik umr ik makān kī ta.amīr meñ lage

ayyām se ziyāda garāñ ḳhisht-o-sañg haiñ

chahke hazār saut meñ ye tā.ir-e-nazar

kirnoñ ke paas yuuñ to yahī saat rañg haiñ

vaise hameñ nadāmat-e-be-chehragī nahīñ

har-chand tere shahr meñ be-nām-o-nañg haiñ

ye peD ye pahaD zamin ki umang hain

sare nasheb jin ki uThanon pe dang hain

bahar ho habs phir bhi daricha khula rakhun

ye KHud tasalliyan mere jine ka Dhang hain

DhunDun ki intiha ki mujhe intiha mile

ye shash-jahat meri tamanna pe tang hain

ek umr ek makan ki tamir mein lage

ayyam se ziyaada garan KHisht-o-sang hain

chahke hazar saut mein ye tair-e-nazar

kirnon ke pas yun to yahi sat rang hain

waise hamein nadamat-e-be-chehragi nahin

har-chand tere shahr mein be-nam-o-nang hain