ye phul hain ye bahaaren hain ye gulistan hai

ye phuul haiñ ye bahāreñ haiñ ye gulistāñ hai

jise bhī dekhiye apnī jagah pareshāñ hai

jo ashk aañkh se Tapke vo hashr-sāmāñ hai

jo mauj dil se taḌap kar uThe vo tūfāñ hai

dil-e-tabāh ḳhabar bhī hai tere miTne par

sunā hai maiñ ne ki ab vo bhī kuchh pareshāñ hai

yahī uThātā hai tūfān dil kī duniyā meñ

tirā ḳhayāl bhī kis darja hashr-sāmāñ hai

use fazā-e-do-ālam se vāsta hī nahīñ

jise tumhārī tamanna tumhārā armāñ hai

hazār tarah kī rangīniyāñ haiñ ġhunchoñ meñ

magar nazar to tumhāre liye pareshāñ hai

'vakīl' DhūñDhtā hai dil usī ke jalvoñ ko

ḳhayāl-e-ishq-o-mohabbat se jo gurezāñ hai

ye phul hain ye bahaaren hain ye gulistan hai

jise bhi dekhiye apni jagah pareshan hai

jo ashk aankh se Tapke wo hashr-saman hai

jo mauj dil se taDap kar uThe wo tufan hai

dil-e-tabah KHabar bhi hai tere miTne par

suna hai main ne ki ab wo bhi kuchh pareshan hai

yahi uThata hai tufan dil ki duniya mein

tera KHayal bhi kis darja hashr-saman hai

use faza-e-do-alam se wasta hi nahin

jise tumhaari tamanna tumhaara arman hai

hazar tarah ki ranginiyan hain ghunchon mein

magar nazar to tumhaare liye pareshan hai

'wakil' DhunDhta hai dil usi ke jalwon ko

KHayal-e-ishq-o-mohabbat se jo gurezan hai