ye pyas bujhti nahin thi chanab rakhte the

ye pyaas bujhtī nahīñ thī chanāb rakhte the

ham apne dasht meñ kyā kyā sarāb rakhte the

samay kī rau meñ bahe jā rahe haiñ ek hī samt

ga.e vo din ki dinoñ kā hisāb rakhte the

junūñ ke saath ḳhirad bhī sarisht meñ rakkhī

salīqa bhī tire ḳhāna-ḳharāb rakhte the

kahāñ ga.e vo jo raushan the tāqchoñ meñ charāġh

kahāñ ga.e vo jo āñkhoñ meñ ḳhvāb rakhte the

hamārā vāsta machhlī se jal se jaal se thā

so ek duniyā alag zer-e-āb rakhte the

zamīñ pe ghūmte rahte the saarā din 'qāsim'

falak se raat savāl-o-javāb rakhte the

ye pyas bujhti nahin thi chanab rakhte the

hum apne dasht mein kya kya sarab rakhte the

samay ki rau mein bahe ja rahe hain ek hi samt

gae wo din ki dinon ka hisab rakhte the

junun ke sath KHirad bhi sarisht mein rakkhi

saliqa bhi tere KHana-KHarab rakhte the

kahan gae wo jo raushan the taqchon mein charagh

kahan gae wo jo aankhon mein KHwab rakhte the

hamara wasta machhli se jal se jal se tha

so ek duniya alag zer-e-ab rakhte the

zamin pe ghumte rahte the sara din 'qasim'

falak se raat sawal-o-jawab rakhte the