ye rah-rawan-e-shauq jo diwar ke sae mein hain

ye rah-ravān-e-shauq jo dīvār ke saa.e meñ haiñ

sach pūchhiye to ik na.e āzār ke saa.e meñ haiñ

jis ko bhī dekho bas idhar qīmat lagāne aa gayā

lagtā hai jaise ham kisī bāzār ke saa.e meñ haiñ

apnoñ meñ rahte the to ham bhī kis qadar gumnām the

mash.hūr haiñ jis vaqt se aġhyār ke saa.e meñ haiñ

ham ko bhalā dariyā tirī tuġhyāniyoñ se ḳhauf kyā

apnī to saarī kashtiyāñ patvār ke saa.e meñ haiñ

vo kitne dānish-mand haiñ un par hameñ bhī rashk hai

jo log apne dushman-e-hushiyār ke saa.e meñ haiñ

raushan haiñ kitne rāste īqān ke iqrār ke

kyā log haiñ jo aaj tak inkār ke saa.e meñ haiñ

un ke numū kī fikr bhī āḳhir hameñ kaise na ho

apne sabhī paude ghane ashjār ke saa.e meñ haiñ

ab to ġhanīmoñ se hameñ kuchh Dar nahīñ lagtā kabhī

ham ik zamāne se yahāñ talvār ke saa.e meñ haiñ

ye rah-rawan-e-shauq jo diwar ke sae mein hain

sach puchhiye to ek nae aazar ke sae mein hain

jis ko bhi dekho bas idhar qimat lagane aa gaya

lagta hai jaise hum kisi bazar ke sae mein hain

apnon mein rahte the to hum bhi kis qadar gumnam the

mashhur hain jis waqt se aghyar ke sae mein hain

hum ko bhala dariya teri tughyaniyon se KHauf kya

apni to sari kashtiyan patwar ke sae mein hain

wo kitne danish-mand hain un par hamein bhi rashk hai

jo log apne dushman-e-hushiyar ke sae mein hain

raushan hain kitne raste iqan ke iqrar ke

kya log hain jo aaj tak inkar ke sae mein hain

un ke numu ki fikr bhi aaKHir hamein kaise na ho

apne sabhi paude ghane ashjar ke sae mein hain

ab to ghanimon se hamein kuchh Dar nahin lagta kabhi

hum ek zamane se yahan talwar ke sae mein hain