ye reg-e-rawan yaad-dahani to nahin kya

ye reg-e-ravāñ yād-dahānī to nahīñ kyā

sahrā kisī dariyā kī nishānī to nahīñ kyā

dekho mirā kirdār kahīñ par bhī nahīñ hai

dekho ye koī aur kahānī to nahīñ kyā

raushan hai nayā aks sar-e-chashm-e-tamāsha

biite hue manzar kī ravānī to nahīñ kyā

is ghar ke dar-o-bām bhī apne nahīñ lagte

qismat meñ na.ī naql-e-makānī to nahīñ kyā

ḳhvāboñ pe paḌī os kā matlab to yahī hai

ashkoñ ke jo sho.ale vo the paanī to nahīñ kyā

maiñ misra-e-ūlā huuñ to ā.īne meñ sāhab

jo aks hai vo misra-e-sānī to nahīñ kyā

pūchhūñgā kisī roz charāġhoñ se maiñ 'ahmad'

ye lau koī paiġhām zabānī to nahīñ kyā

ye reg-e-rawan yaad-dahani to nahin kya

sahra kisi dariya ki nishani to nahin kya

dekho mera kirdar kahin par bhi nahin hai

dekho ye koi aur kahani to nahin kya

raushan hai naya aks sar-e-chashm-e-tamasha

bite hue manzar ki rawani to nahin kya

is ghar ke dar-o-baam bhi apne nahin lagte

qismat mein nai naql-e-makani to nahin kya

KHwabon pe paDi os ka matlab to yahi hai

ashkon ke jo shoale wo the pani to nahin kya

main misra-e-ula hun to aaine mein sahab

jo aks hai wo misra-e-sani to nahin kya

puchhunga kisi roz charaghon se main 'ahmad'

ye lau koi paigham zabani to nahin kya