ye sab shauq ki kar-farmaiyan hain

ye sab shauq kī kār-farmā.iyāñ haiñ

jidhar dekhiye jalva-ārā.iyāñ haiñ

haqīqat to ye hai na maiñ huuñ na tum ho

ham an-dekhī vahdat kī parchhā.īyāñ haiñ

ḳhudā ke liye chashm-e-tar ab to bas kar

ki is taur duniyā kī rusvā.iyāñ haiñ

ye miinā ye qulqul ye sāġhar ye sahbā

ye kis ke liye mahfil-ārā.iyāñ haiñ

na peñgeñ na jhūle na panghaT na jhurmuT

na murlī kī tāneñ na shahnā.iyāñ haiñ

kasaktī haiñ kyoñ ab mohabbat kī choTeñ

na barkhā kī rut hai na purvā.iyāñ haiñ

adāoñ meñ mastī fazāoñ meñ ḳhushbū

javānī meñ sarshār rā'nā.iyāñ haiñ

junūñ ke ta.iiñ vo bhī pāyāb nikleñ

ḳhirad jin ko samjhī thī gahrā.iyāñ haiñ

maiñ us dar kī jānib baḌhā jā rahā huuñ

jahāñ muntazir merī tanhā.iyāñ haiñ

'tamīz' apnī sehat se āgāh rahiye

ki rū-ba-zavāl ab tavānā.iyāñ haiñ

ye sab shauq ki kar-farmaiyan hain

jidhar dekhiye jalwa-araiyan hain

haqiqat to ye hai na main hun na tum ho

hum an-dekhi wahdat ki parchhaiyan hain

KHuda ke liye chashm-e-tar ab to bas kar

ki is taur duniya ki ruswaiyan hain

ye mina ye qulqul ye saghar ye sahba

ye kis ke liye mahfil-araiyan hain

na pengen na jhule na panghaT na jhurmuT

na murli ki tanen na shahnaiyan hain

kasakti hain kyon ab mohabbat ki choTen

na barkha ki rut hai na purwaiyan hain

adaon mein masti fazaon mein KHushbu

jawani mein sarshaar ra'naiyan hain

junun ke tain wo bhi payab niklen

KHirad jin ko samjhi thi gahraiyan hain

main us dar ki jaanib baDha ja raha hun

jahan muntazir meri tanhaiyan hain

'tamiz' apni sehat se aagah rahiye

ki ru-ba-zawal ab tawanaiyan hain