ye sab surud-e-KHwab hai ye nafa kya ziyan kya

ye sab surūd-e-ḳhvāb hai ye nafā kyā ziyān kyā

kamāl kyā zavāl kyā yaqīn kyā gumān kyā

ho farsh taptī ret kā yā maḳhmalī libās ho

ki sar-phiroñ ke vāste ye dasht kyā makān kyā

jo siina chīr-phāḌ kar na dil ko chīr-phāḌ de

vo husn kyā vo aañkh kyā vo tiir kyā kamān kyā

mirī duā hai yā-ḳhudā mirī ye aas toḌ de

jo dil kī tarjumāñ na ho to muñh meñ ye zabān kyā

huuñ us kī yaad meñ magan mujhe na falsafe sunā

savāb kyā azaab kyā namāz kyā azaan kyā

fasīl-e-zīst par khaḌā alam liye nasīb kā

maiñ ḳhud se pūchhtā rahā hai merī ān-bān kyā

kalīm merī baat kā javāb us se pūchhnā

jo maiñ tumhārā nuur huuñ to diid kā gumān kyā

kisī ke ḳhvāb toḌne se pahle itnā sochnā

ujaḌ gayā jo baaġh hī karegā bāġhbān kyā

ye sab surud-e-KHwab hai ye nafa kya ziyan kya

kamal kya zawal kya yaqin kya guman kya

ho farsh tapti ret ka ya maKHmali libas ho

ki sar-phiron ke waste ye dasht kya makan kya

jo sina chir-phaD kar na dil ko chir-phaD de

wo husn kya wo aankh kya wo tir kya kaman kya

meri dua hai ya-KHuda meri ye aas toD de

jo dil ki tarjuman na ho to munh mein ye zaban kya

hun us ki yaad mein magan mujhe na falsafe suna

sawab kya azab kya namaz kya azan kya

fasil-e-zist par khaDa alam liye nasib ka

main KHud se puchhta raha hai meri aan-ban kya

kalim meri baat ka jawab us se puchhna

jo main tumhaara nur hun to did ka guman kya

kisi ke KHwab toDne se pahle itna sochna

ujaD gaya jo bagh hi karega baghban kya