ye sabza aur ye aab-e-rawan aur abr ye gahra

ye sabza aur ye āb-e-ravāñ aur abr ye gahrā

divāna nahiñ ki ab ghar meñ rahūñ maiñ chhoḌ kar sahrā

añdherī raat meñ majnūñ ko jañgal biich kyā Dar hai

papīhā ko kalā kyuuñ mil ke de haiñ har ghaḌī pahrā

gayā thā raat jhaḌ badlī meñ zālim kis taraf kuuñ tū

taḌap siiñ dil mirā bijlī kī juuñ ab lag nahīñ Thahrā

vo kākul is tarah ke haiñ balā kaale ki jo dekhe

to mar jā naag us kā aab ho jā ḳhauf siiñ zahrā

esī kahānī bikaT hai ishq kāfir kī jo dekhe

to roveñ nuh falak aur chashm ho jaañ un kī nau nahrā

ravāñ nahiñ tab.a jis kī sher-e-tar kī tarz paane meñ

nahīñ hotā hai us kuuñ 'ābrū' ke harf siiñ bahrā

ye sabza aur ye aab-e-rawan aur abr ye gahra

diwana nahin ki ab ghar mein rahun main chhoD kar sahra

andheri raat mein majnun ko jangal bich kya Dar hai

papiha ko kala kyun mil ke de hain har ghaDi pahra

gaya tha raat jhaD badli mein zalim kis taraf kun tu

taDap sin dil mera bijli ki jun ab lag nahin Thahra

wo kakul is tarah ke hain bala kale ki jo dekhe

to mar ja nag us ka aab ho ja KHauf sin zahra

esi kahani bikaT hai ishq kafir ki jo dekhe

to rowen nuh falak aur chashm ho jaan un ki nau nahra

rawan nahin taba jis ki sher-e-tar ki tarz pane mein

nahin hota hai us kun 'abru' ke harf sin bahra