ye sadi ranj-o-masaib ki sadi lagti hai

ye sadī ranj-o-masā.ib kī sadī lagtī hai

zindagī bhī mujhe zaḳhmoñ kī galī lagtī hai

jhuuT sunñe kā har ik shaḳhs huā hai 'aadī

ho jo mīThī bhī to sachchā.ī burī lagtī hai

ye zarūrī nahīñ insān ko mil hī jaa.e

aisī har chiiz jo āñkhoñ ko bhalī lagtī hai

ḳhat meñ tahrīr mujhe milte haiñ us ke aañsū

lafz chhūtā huuñ to āñkhoñ meñ namī lagtī hai

mere purkhoñ kī bhī miTTī hai isī miTTī meñ

is liye ḳhāk-e-vatan mujh ko bhalī lagtī hai

ġhusl karte hue mahbūb sā lagtā hai ye chāñd

chāñdnī raat sitāroñ kī nadī lagtī hai

ham ne dekhe haiñ fasādoñ meñ vo manzar bhī 'anīs'

apne hī ḳhuun meñ har chiiz sanī lagtī hai

ye sadi ranj-o-masaib ki sadi lagti hai

zindagi bhi mujhe zaKHmon ki gali lagti hai

jhuT sunne ka har ek shaKHs hua hai 'adi

ho jo miThi bhi to sachchai buri lagti hai

ye zaruri nahin insan ko mil hi jae

aisi har chiz jo aankhon ko bhali lagti hai

KHat mein tahrir mujhe milte hain us ke aansu

lafz chhuta hun to aankhon mein nami lagti hai

mere purkhon ki bhi miTTi hai isi miTTi mein

is liye KHak-e-watan mujh ko bhali lagti hai

ghusl karte hue mahbub sa lagta hai ye chand

chandni raat sitaron ki nadi lagti hai

hum ne dekhe hain fasadon mein wo manzar bhi 'anis'

apne hi KHun mein har chiz sani lagti hai