ye shab unhin zulfon ki karamat lage hai

ye shab unhīñ zulfoñ kī karāmāt lage hai

sunte the ġhazal meñ ye vahī raat lage hai

patthar kī tarah terī har ik baat lage hai

dil toḌ ke nāseh tujhe kyā haat lage hai

jiinā hī mohabbat meñ karāmāt lage hai

jī le hai jo marnā to use baat lage hai

ham ne jo diyā hai vo hameñ jaan rahe haiñ

sarmāya-e-ġham muft kahāñ haat lage hai

ārām kahāñ ahl-e-vafā ko kisī karvaT

ik aag hai siine meñ jo din-rāt lage hai

auroñ se mohabbat bhī ta'alluq bhī vafā bhī

ham se to kabhī kī na mulāqāt lage hai

ye shab unhin zulfon ki karamat lage hai

sunte the ghazal mein ye wahi raat lage hai

patthar ki tarah teri har ek baat lage hai

dil toD ke naseh tujhe kya hat lage hai

jina hi mohabbat mein karamat lage hai

ji le hai jo marna to use baat lage hai

hum ne jo diya hai wo hamein jaan rahe hain

sarmaya-e-gham muft kahan hat lage hai

aaram kahan ahl-e-wafa ko kisi karwaT

ek aag hai sine mein jo din-raat lage hai

auron se mohabbat bhi ta'alluq bhi wafa bhi

hum se to kabhi ki na mulaqat lage hai