ye socho KHud bhi kya achchha nahin hai

ye socho ḳhud bhī kyā achchhā nahīñ hai

kitāboñ meñ to sab likkhā nahīñ hai

batā.ūñ kyā hai kitnī duur manzil

ki maiñ ne rāsta naapā nahīñ hai

jilā baḳhshuñgā maiñ tārīkiyoñ ko

ujāloñ se koī va.adā nahīñ hai

havāoñ kī bhī kuchh majbūriyāñ haiñ

jo bādal chhā ke bhī barsā nahīñ hai

maiñ ye parkhūñ hai tum meñ zarf kitnā

ki dekhūñ zarf hai bhī yā nahīñ hai

maiñ kaise ġham ko bāñTūñ dostoñ meñ

ki ġham hai taash kā pattā nahīñ hai

hai terī zehniyat kā ranj varna

jo dil par zaḳhm hai gahrā nahīñ hai

ho jo bhī ḳhud-shanāsī kā zarīya

magar 'abbād' ā.īna nahīñ hai

ye socho KHud bhi kya achchha nahin hai

kitabon mein to sab likkha nahin hai

bataun kya hai kitni dur manzil

ki main ne rasta napa nahin hai

jila baKHshunga main tarikiyon ko

ujalon se koi wada nahin hai

hawaon ki bhi kuchh majburiyan hain

jo baadal chha ke bhi barsa nahin hai

main ye parkhun hai tum mein zarf kitna

ki dekhun zarf hai bhi ya nahin hai

main kaise gham ko banTun doston mein

ki gham hai tash ka patta nahin hai

hai teri zehniyat ka ranj warna

jo dil par zaKHm hai gahra nahin hai

ho jo bhi KHud-shanasi ka zariya

magar 'abbaad' aaina nahin hai