ye taeron ne jo ek dusre ke nam liye

ye tā.eroñ ne jo ik dūsre ke naam liye

zarūr dasht meñ aayā hai koī daam liye

na ho mizāj meñ aisī bhī dūr-andeshī

ki sub.h se koī nikle charāġh-e-shām liye

koī ishāra na ho koī isti.āra na ho

tum us kā tazkira karnā baġhair naam liye

dayār-e-zāt meñ ehsās kī qalam-rau meñ

faqīr milte haiñ shāhoñ kā ehtishām liye

sameT le na kahīñ phir zamīñ se chādar-e-āb

chalā hai phir vo samundar kī samt jaam liye

rahīn-e-chashm thī ḳhvāboñ kī rah-guzar phir bhī

na chal sakā koī be-tohmat-e-qayām liye

yahī kahā ki haiñ rāzoñ se bā-ḳhabar kuchh log

pate batā.e na us ne zabāñ se naam liye

darūn-e-zāt koī ġhair aa nahīñ saktā

khaḌī hai dar pe anā teġh-e-be-niyām liye

ye taeron ne jo ek dusre ke nam liye

zarur dasht mein aaya hai koi dam liye

na ho mizaj mein aisi bhi dur-andeshi

ki subh se koi nikle charagh-e-sham liye

koi ishaara na ho koi istiara na ho

tum us ka tazkira karna baghair nam liye

dayar-e-zat mein ehsas ki qalam-rau mein

faqir milte hain shahon ka ehtisham liye

sameT le na kahin phir zamin se chadar-e-ab

chala hai phir wo samundar ki samt jam liye

rahin-e-chashm thi KHwabon ki rah-guzar phir bhi

na chal saka koi be-tohmat-e-qayam liye

yahi kaha ki hain raazon se ba-KHabar kuchh log

pate batae na us ne zaban se nam liye

darun-e-zat koi ghair aa nahin sakta

khaDi hai dar pe ana tegh-e-be-niyam liye