ye tamanna nahin ab dad-e-hunar de koi

ye tamanna nahīñ ab dād-e-hunar de koī

aa ke mujh ko mire hone kī ḳhabar de koī

ek muddat se hai dil kāsa-e-ḳhālī kī tarah

kisī shīshe meñ lahū hove to bhar de koī

har jagah saath rahegī yahī dīvār kī qaid

sar uThāne ko hameñ kaun sā ghar de koī

mīr-e-mahfil ko gavāra nahīñ ye tarz-e-kalām

sham'-e-kushta ko jo ‘unvān-e-sahar de koī

sāhib-e-fan ko bas ik ġhuncha-e-taḳhlīq bahut

varna be-sūd agar 'umr-e-ḳhizar de koī

ye tamanna nahin ab dad-e-hunar de koi

aa ke mujh ko mere hone ki KHabar de koi

ek muddat se hai dil kasa-e-KHali ki tarah

kisi shishe mein lahu howe to bhar de koi

har jagah sath rahegi yahi diwar ki qaid

sar uThane ko hamein kaun sa ghar de koi

mir-e-mahfil ko gawara nahin ye tarz-e-kalam

sham'-e-kushta ko jo ‘unwan-e-sahar de koi

sahib-e-fan ko bas ek ghuncha-e-taKHliq bahut

warna be-sud agar 'umr-e-KHizar de koi