ye tere qurb se kya martaba mila hai mujhe

ye tere qurb se kyā martaba milā hai mujhe

har ek shaḳhs mohabbat se dekhtā hai mujhe

vo jo koī bhī thā tujh se bahut mushābah thā

jabhī to dard kā ehsās ho rahā hai mujhe

tumhāre shahr ke logoñ kī maiñ zarūrat huuñ

yahī ḳhayāl to jaane se roktā hai mujhe

vo ek nazm jo mansūb us ke zulm se thī

sunā hai us se vo badnām kar rahā hai mujhe

qadam uThe haiñ na.ī raah par to 'azm ye hai

baḌhūñ ki parcham-e-ehsās thāmnā hai mujhe

ye she'r kahne kā mauqa' nahīñ 'humairā' magar

abhī abhī koī ilhām sā huā hai mujhe

ye tere qurb se kya martaba mila hai mujhe

har ek shaKHs mohabbat se dekhta hai mujhe

wo jo koi bhi tha tujh se bahut mushabah tha

jabhi to dard ka ehsas ho raha hai mujhe

tumhaare shahr ke logon ki main zarurat hun

yahi KHayal to jaane se rokta hai mujhe

wo ek nazm jo mansub us ke zulm se thi

suna hai us se wo badnam kar raha hai mujhe

qadam uThe hain nai rah par to 'azm ye hai

baDhun ki parcham-e-ehsas thamna hai mujhe

ye she'r kahne ka mauqa' nahin 'humaira' magar

abhi abhi koi ilham sa hua hai mujhe