ye to gham subh-o-sham ka nikla

ye to ġham sub.h-o-shām kā niklā

ishq bhī kitne kaam kā niklā

mere iz.hār par vo barham hai

kuchh to mauqa kalām kā niklā

raah meñ vo mile magar do pal

saath do-chār gaam kā niklā

tum bulāte ho ab na aate ho

kyā qusūr is ġhulām kā niklā

ban ga.ī jhoñpḌī ġharīboñ kī

peḌ kaT kar bhī kaam kā niklā

ishq thā dil kā mas.ala phir bhī

mas.ala ye avaam kā niklā

hijr meñ us ke ro liye 'zākir'

ḳhuun to dil meñ naam kā niklā

ye to gham subh-o-sham ka nikla

ishq bhi kitne kaam ka nikla

mere izhaar par wo barham hai

kuchh to mauqa kalam ka nikla

rah mein wo mile magar do pal

sath do-chaar gam ka nikla

tum bulate ho ab na aate ho

kya qusur is ghulam ka nikla

ban gai jhonpDi gharibon ki

peD kaT kar bhi kaam ka nikla

ishq tha dil ka masala phir bhi

masala ye awam ka nikla

hijr mein us ke ro liye 'zakir'

KHun to dil mein nam ka nikla