ye to nahin malum ki kya baat hui thi

ye to nahīñ ma.alūm ki kyā baat huī thī

haañ sāhil-e-dariyā pe bahut bhiiḌ lagī thī

apnī ravish-e-kaj-kulahī se na banī baat

sunte haiñ ki is Dhang se bahutoñ kī banī thī

ham din ke ujāloñ ko duā do ki abhī tak

kūche meñ tumhāre shab-e-tārīk basī thī

dekhā thā kisī shoḳh ne shab ḳhvāb chaman kā

rauñde hue phūloñ kī adā bol rahī thī

jiddat ke ujāle meñ bhī palte haiñ añdhere

kisī dhuup ke maare ne ḳhudā lagtī kahī thī

chup-chāp chale aa.e tum achchhā huā 'nāzim'

saaqī se ulajhnā bhī to ik be-adabī thī

ye to nahin malum ki kya baat hui thi

han sahil-e-dariya pe bahut bhiD lagi thi

apni rawish-e-kaj-kulahi se na bani baat

sunte hain ki is Dhang se bahuton ki bani thi

hum din ke ujalon ko dua do ki abhi tak

kuche mein tumhaare shab-e-tarik basi thi

dekha tha kisi shoKH ne shab KHwab chaman ka

raunde hue phulon ki ada bol rahi thi

jiddat ke ujale mein bhi palte hain andhere

kisi dhup ke mare ne KHuda lagti kahi thi

chup-chap chale aae tum achchha hua 'nazim'

saqi se ulajhna bhi to ek be-adabi thi