ye zaKHm-ha-e-gham-e-mohabbat ye dagh-ha-e-gham-e-zamana

ye zaḳhm-hā-e-ġham-e-mohabbat ye dāġh-hā-e-ġham-e-zamāna

inhīñ charāġhoñ ke dam se raushan rahā hai dil kā ġharīb-ḳhāna

vo fitne jaag uTThe aañkh milte vo zalzale le rahe haiñ karvaT

zarā tasavvur meñ aa gayā thā ḳhayāl-e-ta.amīr-e-āshiyāna

kabhī shikāyat ki bevafā huuñ kabhī ḳhafā arz-e-mudda.ā par

mire satāne ko mil hī jaatā hai aap ko kuchh na kuchh bahāna

inhīñ pe hai lutf-e-barq-o-bārāñ karam unhīñ par hai bāġhbāñ kā

mire nasheman ke chaar tinke haiñ markaz-e-gardish-e-zamāna

ye kohna-sālī meñ 'badr' tum ko ġhazal-sarā.ī kī ḳhuub sūjhī

na ab vo rangīnī-e-taḳhayyul na ab vo jazbāt-e-shā.irāna

ye zaKHm-ha-e-gham-e-mohabbat ye dagh-ha-e-gham-e-zamana

inhin charaghon ke dam se raushan raha hai dil ka gharib-KHana

wo fitne jag uTThe aankh milte wo zalzale le rahe hain karwaT

zara tasawwur mein aa gaya tha KHayal-e-tamir-e-ashiyana

kabhi shikayat ki bewafa hun kabhi KHafa arz-e-muddaa par

mere satane ko mil hi jata hai aap ko kuchh na kuchh bahana

inhin pe hai lutf-e-barq-o-baran karam unhin par hai baghban ka

mere nasheman ke chaar tinke hain markaz-e-gardish-e-zamana

ye kohna-sali mein 'badr' tum ko ghazal-sarai ki KHub sujhi

na ab wo rangini-e-taKHayyul na ab wo jazbaat-e-shairana