ye zauq pech-o-tab ka ye raqs mauj-e-ab ka

ye zauq pech-o-tāb kā ye raqs mauj-e-āb kā

ajiib rang hai hamāre dil ke iztirāb kā

ye zindagī ye be-kanār ranj-o-ġham kī dāstān

ye zindagī ḳhayāl hai javāniyoñ ke ḳhvāb kā

mirī guzārishāt ke javāb meñ ye ḳhāmushī

mujhe gumāñ na thā is intihā-e-ijtināb kā

tirī nigāh hai ki kaif-e-tāza kā payām hai

tirī nigāh hai ki daur hai sharāb-e-nāb kā

vo mere ranj-o-ġham ne ham-nafas talāsh kar liyā

vo phīkā paḌ gayā hai rang rū-e-māhtāb kā

ġharīb 'fitrat' āj-kal ḳhamosh-o-girya-kosh hai

kabhī to rang dekh us ke dīda-e-pur-āb kā

ye zauq pech-o-tab ka ye raqs mauj-e-ab ka

ajib rang hai hamare dil ke iztirab ka

ye zindagi ye be-kanar ranj-o-gham ki dastan

ye zindagi KHayal hai jawaniyon ke KHwab ka

meri guzarishat ke jawab mein ye KHamushi

mujhe guman na tha is intiha-e-ijtinab ka

teri nigah hai ki kaif-e-taza ka payam hai

teri nigah hai ki daur hai sharab-e-nab ka

wo mere ranj-o-gham ne ham-nafas talash kar liya

wo phika paD gaya hai rang ru-e-mahtab ka

gharib 'fitrat' aaj-kal KHamosh-o-girya-kosh hai

kabhi to rang dekh us ke dida-e-pur-ab ka