ye zindagi ab aur nahin chahiye mujhe

ye zindagī ab aur nahīñ chāhiye mujhe

vo de sake to maut hasīñ chāhiye mujhe

ye ḳhauf thā ki mil ke bhī kho jā.egā vo shaḳhs

so maiñ ne kah diyā ki nahīñ chāhiye mujhe

ghar chhoḌnā hai chhoḌ magar itnā yaad rakh

jo chiiz jis jagah thī vahīñ chāhiye mujhe

bejoḌ dostī hai mirī mere dil ke saath

jo us ko chāhiye hai nahīñ chāhiye mujhe

maiñ is liye khilaunā koī dekhtā na thā

maañ baap soch leñ na kahīñ chāhiye mujhe

ik to maiñ misl-e-dasht koī ret kā makāñ

aur us pe mustazād makīñ chāhiye mujhe

ye zindagi ab aur nahin chahiye mujhe

wo de sake to maut hasin chahiye mujhe

ye KHauf tha ki mil ke bhi kho jaega wo shaKHs

so main ne kah diya ki nahin chahiye mujhe

ghar chhoDna hai chhoD magar itna yaad rakh

jo chiz jis jagah thi wahin chahiye mujhe

bejoD dosti hai meri mere dil ke sath

jo us ko chahiye hai nahin chahiye mujhe

main is liye khilauna koi dekhta na tha

man bap soch len na kahin chahiye mujhe

ek to main misl-e-dasht koi ret ka makan

aur us pe mustazad makin chahiye mujhe