yunhi be-wajh to wo humse na bichhDa hoga

yuñhī be-vaj.h to vo ham se na bichhḌā hogā

kuchh na kuchh us ne bichhaḌte hue sochā hogā

kyā kaheñ soch ke aatā hai kaleja muñh ko

kis tarah ġhair ke pahlū meñ vo baiThā hogā

ḳhud-kushī kah ke na Taalo ise tahqīq karo

us ko yāroñ ne hī khaa.ī meñ dhakelā hogā

go mujhe bhuul gayā thā vo magar ye tai hai

vo sar-e-rāh mujhe dekh ke chauñkā hogā

kyā use merī tabī'at kī bhī ab fikr nahīñ

yā kisī dost se us ne mirā pūchhā hogā

tū ne jo shaḳhs chunā hai ye yaqīñ hai mujh ko

mujh se baḌh kar vo tire pahlū meñ jachtā hogā

ai mirī jān-e-ġhazal ye to batā vo 'haidar'

vo jo shā'ir thā tujhe yaad to aatā hogā

yunhi be-wajh to wo hum se na bichhDa hoga

kuchh na kuchh us ne bichhaDte hue socha hoga

kya kahen soch ke aata hai kaleja munh ko

kis tarah ghair ke pahlu mein wo baiTha hoga

KHud-kushi kah ke na Talo ise tahqiq karo

us ko yaron ne hi khai mein dhakela hoga

go mujhe bhul gaya tha wo magar ye tai hai

wo sar-e-rah mujhe dekh ke chaunka hoga

kya use meri tabi'at ki bhi ab fikr nahin

ya kisi dost se us ne mera puchha hoga

tu ne jo shaKHs chuna hai ye yaqin hai mujh ko

mujh se baDh kar wo tere pahlu mein jachta hoga

ai meri jaan-e-ghazal ye to bata wo 'haidar'

wo jo sha'ir tha tujhe yaad to aata hoga