yun bhi chhupta hai bhala wajd mein aaya hua rang

yuuñ bhī chhuptā hai bhalā vajd meñ aayā huā rang

sab ko dikhne lagā ehsās pe chhāyā huā rang

qīmtī shai kī tarah maiñ ne sañbhālā huā hai

terī poshāk ke rangoñ se churāyā huā rang

yā'nī phir mere muqaddar meñ vo sā'at aa.ī

pahnā hai yaar ne ab merā batāyā huā rang

raqs kartī huī bal khātī huī Daalī par

aañkh ne dekhā hai shabnam meñ nahāyā huā rang

surma.ī shaam Dhalī baaġh meñ ḳhushbū utrī

yaad aayā tirī qurbat kā bhulāyā huā rang

zard lamhoñ meñ agar lafz-e-ḳhamoshī oḌheñ

haal kahtā hai mirī aañkh meñ aayā huā rang

itnī tauqīr jo merī hai zamāne meñ 'sa’īd'

rang hai mujh pe ye murshid kā chaḌhāyā huā rang

yun bhi chhupta hai bhala wajd mein aaya hua rang

sab ko dikhne laga ehsas pe chhaya hua rang

qimti shai ki tarah main ne sanbhaala hua hai

teri poshak ke rangon se churaya hua rang

ya'ni phir mere muqaddar mein wo sa'at aai

pahna hai yar ne ab mera bataya hua rang

raqs karti hui bal khati hui Dali par

aankh ne dekha hai shabnam mein nahaya hua rang

surmai sham Dhali bagh mein KHushbu utri

yaad aaya teri qurbat ka bhulaya hua rang

zard lamhon mein agar lafz-e-KHamoshi oDhen

haal kahta hai meri aankh mein aaya hua rang

itni tauqir jo meri hai zamane mein 'sa’id'

rang hai mujh pe ye murshid ka chaDhaya hua rang