yun bhi sahra se hum ko raghbat hai
yuuñ bhī sahrā se ham ko raġhbat hai
bas yahī be-gharoñ kī izzat hai
ab sañvarne kā vaqt us ko nahīñ
jab hameñ dekhne kī fursat hai
tujh se merī barābarī hī kyā
tujh ko inkār kī suhūlat hai
qahqaha māriye meñ kuchh bhī nahīñ
muskurāne meñ jitnī mehnat hai
sair-e-duniyā ko aa to jaao magar
vāpsī meñ baḌī musībat hai
ye jo ik shakl mil ga.ī hai mujhe
ye bhī ā.īne kī badaulat hai
ye tire shahr meñ khulā mujh par
muskurānā bhī ek aadat hai
yun bhi sahra se hum ko raghbat hai
bas yahi be-gharon ki izzat hai
ab sanwarne ka waqt us ko nahin
jab hamein dekhne ki fursat hai
tujh se meri barabari hi kya
tujh ko inkar ki suhulat hai
qahqaha mariye mein kuchh bhi nahin
muskurane mein jitni mehnat hai
sair-e-duniya ko aa to jao magar
wapsi mein baDi musibat hai
ye jo ek shakl mil gai hai mujhe
ye bhi aaine ki badaulat hai
ye tere shahr mein khula mujh par
muskurana bhi ek aadat hai
- Book : Khidki To Main Ne Khol Hi Li (Pg. 88)
- Author :Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
