yun dawat-e-shabab na do main nashe mein hun

yuuñ dāvat-e-shabāb na do maiñ nashe meñ huuñ

ye dūsrī sharāb na do maiñ nashe meñ huuñ

aisā na ho ki nashshe meñ kaT jaa.e zindagī

āñkhoñ ko koī ḳhvāb na do maiñ nashe meñ huuñ

itnā bahut hai tum se nigāheñ milī raheñ

ab bas karo sharāb na do maiñ nashe meñ huuñ

yaaro dil-o-dimāġh meñ kaafī hai fāsla

uljhe hue javāb na do maiñ nashe meñ huuñ

aisā na ho ki raaz tumhārā maiñ khol duuñ

dekho mujhe javāb na do maiñ nashe meñ huuñ

dāman kā hosh hai na garebāñ kā hosh hai

kāñToñ bharā gulāb na do maiñ nashe meñ huuñ

ḳhud ko sambhālnā yahāñ mushkil hai dosto

chhalkī huī sharāb na do maiñ nashe meñ huuñ

jo lamhe 'nūr' hosh meñ rah kar guzar ga.e

un kā abhī hisāb na do maiñ nashe meñ huuñ

yun dawat-e-shabab na do main nashe mein hun

ye dusri sharab na do main nashe mein hun

aisa na ho ki nashshe mein kaT jae zindagi

aankhon ko koi KHwab na do main nashe mein hun

itna bahut hai tum se nigahen mili rahen

ab bas karo sharab na do main nashe mein hun

yaro dil-o-dimagh mein kafi hai fasla

uljhe hue jawab na do main nashe mein hun

aisa na ho ki raaz tumhaara main khol dun

dekho mujhe jawab na do main nashe mein hun

daman ka hosh hai na gareban ka hosh hai

kanTon bhara gulab na do main nashe mein hun

KHud ko sambhaalna yahan mushkil hai dosto

chhalki hui sharab na do main nashe mein hun

jo lamhe 'nur' hosh mein rah kar guzar gae

un ka abhi hisab na do main nashe mein hun